Соңғы уақыттағы жаһандық деңгейдегі өзекті мәселелердің бірі әлемдік қаржы дағдарысы екендігі белгілі. Тіпті соғыс, саяси қақтығыс немесе мемлекет басшысын сайлау сияқты басқа да маңызды мәселелерді тілге тиек етсе де, экономикамен байланыстырып айтылады.Оның үстіне, саясатқа қарағанда қаржы саласы ешкімді бейтарап қалдырмайтыны тағы бар. Бұл жағдайда Елбасы Н.Назарбаевтың «Алдымен – экономика, содан кейін – саясат» деген сөздерінің саяси ұран ғана емес, әлеуметтік саяси тұрақтылықтың қажетті шарты орнықты дамушы экономикаға негізделген мемлекет құрылымының жүйелі қағидаты екендігіне енді бір мәрте көз жеткізе алдық. Егер математикалық тілмен сөйлесек, кез келген жүйенің мейлінше тұрақтылық көрсеткіші қандай да болса ауытқудың болмауымен емес, сол ауытқудың қандай да бір күшті сыртқы ықпалдың әсерінен алдын-ала белгіленген шекарадан шықпауымен бағаланады. Демек, бүгінгі әлемдік қаржы дағдарысы мемлекеттік құрылымның беріктігін сынап отырған әлгі күшті сыртқы ықпалға айналды. Мұндай жағдайда алдағы оқиғаны болжай білу, елді еш әбігерсіз стратегиялық мақсатқа жетелеу мемлекеттік басқару жүйесінің кемелденгендігін білдірсе керек.
ДАҒДАРЫС САЛҚЫНЫ
Қазіргі кезде біз кезінде тым «ақылгөй» болып көрінген ғылыми теориялар мен оларға негізделген ойға сыймас «ақыр заманғы» болжаулардың орындала бастағанын көріп отырмыз: кейбір мемлекеттер тұтасымен өздерін банкрот етіп жариялауда (мысалы Исландия), американдықтар – ауыспас «қаржы алпауыттары» байырғы ұлылығын ұмытып, өздерінің «жылтыр аяқтарымен» әбігерленіп, сүрініп-қабынуда, ал мыңжылдықтар бойы жеке меншіктің мызғымас нышанына айналған ірі Швейцар банктері ұялмастан мемлекет меншігіне өту мүмкіндіктерін қарастырып жүр. Сонымен қатар, бізді «нарықты мемлекеттік реттеу» үшін сынап-мінеп жүрген кейбір еуропалық либерализмнің апологеттерінің Карл Маркстың еңбектерін зерттеп, мемлекеттің экономикаға белсенді араласу теориялық іргетасын іске асыру жолдарын қарастыруда. Осылай нарықтық экономиканың негізін қалаушылардың бірін берген Ұлыбритания Премьер-Министрі өзінің «Мен капитализмді жүгендеймін» атты мақаласында нарықтық жүйеге күмән келтіріп, мемлекет көмегімен экономиканы қолдауды ұсынады. Олардың қасында «нарықтық құндылықтарға» кейіннен кіріккен мемлекеттердің (Венгрия, Украина және т.б.) өз беделі туралы ұмытып, жедел түрде ХВҚ (МВФ) және басқа да халықаралық институттардан қаржылық көмек сұрауы еш таңдандырмайды. Мұндай маңызды оқиғалардың қарқынды дамуы барлық мемлекеттерді туындаған сауалдарға жауап іздеуіне итермелейді. Жаппай ақиқат сәті туындауда. Оның ішіндегі біздің мемлекетіміз үшін де.
АҚЫЛГӨЙІ БАР АДАСПАЙДЫ
Әрине, нарықтық жағдайда демократиялық даму жолына ұмтылған жүз жылдық тарихы бар елдердің қасында Қазақстан әлі де болса жас мемлекет. Десе де, жањандық еңбек бөлінісінде орны бар Қазақстан экономикасының өзімен өзі болуы мүмкін емес, ол әлемдік қаржы жүйесінің бір бөлігі болып табылады. Сондықтан әлемдік қаржы дағдарысымен байланысты барлық мәселелер тікелей не жанама түрде бізге ықпал етері сөзсіз. Басты сауал, біздің экономикамыз қаншалықты тұрақты және біз сыртқы экономикалық ықпалға нені қарама-қарсы қоя аламыз?
Бір нәрсе анық, біздің ең басты артықшылығымыз мемлекетіміздің мықты лидері бар, ол – ел Президенті, «Нұр Отан» Халықтық Демократиялық партиясының басшысы Нұрсұлтан Әбішұлы Назарбаев. Тарихқа көз жүгіртейік. Небір қиын-қыстау дағдарыстарды жеңген немесе күрделі реформаларды тиімді жүргізген көптеген мемлекеттердің басшылығында көздеген мақсатқа жетуде елді біріктіре алатын лидерлер тұрған. Оған бірнеше мысал келтіруге болады: Петр І, Черчилль, Де Голь, Ли Куан Ю және басқалары. Ал, қазақстандықтар үшін барлық жетістіктеріміздің Елбасының еңбегі екендігі жасырын емес.
Мемлекет Президентінің стратегиялық көзқарасы халықаралық тәжірибені тиянақты зерттеу, ғылыми зерттеулерге сүйену біздің мемлекет дамуының бірегей моделін қалыптастырды. Н. Назарбаев өзінің «Қазақстандық жол» атты танымал кітабында біздің еліміз өзінің экономикалық саясатын «сайлаудан сайлауға» қағидатында емес, инвестициялық циклдар арқылы нақтыланатын объективті логиканың негізінде қалыптастырылатынын атап өткен болатын.
Біздің жас мемлекет нарықтық экономиканың циклдық болатындығына сүйене отырып, тәуелсіздік алумен және нарықтық экономиканы қалыптастырумен байланысты 1992 және 1996 жылдарде ішкі дағдарыстарды табысты бағындыру тәжірибесін жинақтады.
1998 жылғы әлемдік қаржы дағдарысын еліміз мемлекет басшысы ұсынған «Қазақстан 2030» стратегиясымен қарсы алды. Көршілеріміз қарапайым өмір сүру міндеттерімен шектеліп жатқан уақытта біздің мемлекетімізде әрі қарай дамудың кең ауқымды идеясы пайда болды. Ендігі уақытта көптеген басшылар әлемдік дағдарысқа байланысты бұған дейін кездеспеген өзекті проблемалар бойынша шешім қабылдауда мемлекеттің ұзақ мерзімді даму перспективаларына бағытталған біртұтас іс-қимыл стратегиясын басшылыққа ала отырып, тактикалық компромистерге, стандартты емес әдістерге бару мүмкіндігін пайдаланды.
Қабылданған іс-шаралардың нәтижесінде біз қаржы апатының нағыз ошағында болған жоқпыз, бірақ мұнай бағасының түсуі мен көршілеріміздің құлдыраған валюталық нарығына байланысты екінші «соққы толқыны» бізді айналып өтпеді. Ішкі нарық пен валюталық қорды қорғау мақсатында теңгені девальвациялау туралы шешім қабылданды. Оны жүргізудің тиімді уақыты мен тәсілі, әлеуметтік аз қамсыздандырылған тұрғындарды қорғау бағытында қабылданған іс-шаралар әлемдік қаржы дағдарысының кері ықпалын мейлінше азайтты. Біз тек валюта курсының құлдырауынан құтылып, оны қажетті деңгейде ұстап қана қойғанымыз жоқ, сондай-ақ, азаматтарымыздың сенімін сақтай алдық. Сонымен қатар, халықаралық қаржы институттарының жоғары бағалауын алып, бұрынғы кеңестік кезең мемлекеттерінің арасында көшбасшылық орынды иемдендік. Кейіннен 2000-2001 жылдардан бастап экономиканың қарқынды дамуы басталды.
ТЫҒЫРЫҚТАН ЖОЛ ТАПТЫҚ
2007 жылдан басталған Америкадағы ипотекалық дағдарыс пен содан кейінірек азық-түлік тапшылығынан туындаған проблемалар біздің елімізді қапы қалдырмады. Президент тапсырмасымен қысқа мерзімде дағдарысқа қарсы бірінші кезектегі іс-шаралар жоспары әзірленді. Жедел түрде екінші деңгейдегі банктердің өтімділігін қолдау бойынша шаралар қабылданды. Сонымен қатар, бізден кейін осындай қадамдар Ұлыбритания, АҚШ, Ресей тараптарынан да жасалды. Уақытында қабылданған шаралар өз нәтижесін беріп, қазіргі мемлекетіміздің қаржы-несиелік жүйесі тұрақтанды, оны тіпті ХВҚ сарапшылары да мақұлдаған. Мұнда мәселе тек сол екінші деңгейдегі банктерге 4 млрд. доллардың жетіспеуінде ғана емес еді. Мемлекет бірде-бір банктың «ойсырауына» жол бермеу үшін барлық қолынан келген шараларды жасауға даяр екендігі осы салаға сенімділік білдірді. Бүкіл әлем бойынша тұрғындар салымының қайтарылуы белең орын алса, біздің елімізде керісінше жыл басынан бері ол 30 пайызға артқан. Осындай азаматтардың сезімі мен қарым-қатынасынан туындаған сенім нарықтық дәрежеге айналуда, халықтың билікке деген сенімі салмақты капитал. Жуырда Президенттің 5 мллионға дейінгі көлемдегі депозиттердегі салымдарға мемлекеттің кепілдемесі жөніндегі шешімі азаматтардың одан әрі де қобалжымауға болатындығын білдірсе керек. Оның үстіне, олардың қатарына салымшылардың 99 пайызы кіреді.
Біз азық-түлік тапшылығын сәтті өткіздік. Әлбетте, бұл өткен жылғы егін түсімінің жақсы нәтижесіне қол жеткізген ерекше бір жолы болғандықтың әсері емес, бұл жањандық азық-түлік қорының төмендеп, оның қауіпсіздігі әрбір мемлекеттің басты мәселесіне айналудағы бүкіләлемдік тенденцияны ескере отырып мақсатты жұмыс жасаудың жемісі. Ол туралы биылдың өзінде ауыл шаруашылық саласына мемлекеттік бюджеттен көрсетілген көмектің көлемімен өлшеуге болады. «Азық-түлік қауіпсіздігі» үкімет бағдарламасы шеңберінде біз әрбір өңірде мемлекеттік азық-түлік қорын жасадық. Осы жылы мемлекет импортпен сатып алған өнімді өндіру көлемін ұлғайтуға 135 миллиард теңге бөлді. Мысалы, Қызылорда облысы бойынша күріш өндіру үшін субсидий көлемін 7,5 мың теңгеден 20 мыңға дейін үш есеге ұлғайтты. Нәтижесі жергілікті ауыл шаруашылығын өндірушілерді қорғауға және күріш өсіруші шаруашылықтарға қосымша 1 млрд. теңге бөлуге көмектесті. Немесе қант шаруашылығын кешенді қолдау.
Өзіміздің азғана тарихымызда біз өзімізге де, өзгелерге де о бастан экономикалық дамудың нарықтық құндылықтарына басымдық таныту қажеттілігін дәлелдей отырып, тек нарықтық механизмдерге бірбеткей сүйенуден бас тарта алдық. Біз экономикалық өзгерістердегі локомотив қызметін мемлекет өз жауапкершілігіне алу арқылы тұрақты экономикалық жүйе құра білдік.
Ең бастысы, экономика дамуындағы нарықтық механизмдер мен оны мемлекеттік ынталандыру тәсілдері арасында қажетті баланс табылды. Нарықтық жағдайда антагонистік, ұлттық холдингтер мен жеке компаниялардың біріккен өмірі қысқа екендігін болжаған «неолибералдардың» сыни пікіріне қарамастан, «Самрұқ» холдингі құрылып, бүгінде табысты жетістіктерге жетті. Оның құрылуы арқасында қоғамдық игіліктерді өндіретін сала нарықтық сәтсіздіктерден тыс қалды. Телекоммуникация, темір жол көлігі, энергетика және басқа салалардағы ұлттық компаниялар жоғары табыс табуды емес, басты мақсат ретінде қызмет көрсету сапасы мен баға қолжетімділігін қойды. Ел Президенті экономикаға жањандық дағдарыс ықпалын жеңу мақсатында «Қазынаның» белсенді инвестициялық позициясын «Самрұқтың» стратегиялық ресурстарымен біріктіру арқылы «Самрұқ-Қазына» Ұлттық игілік қорын құру туралы шешімі өз ресурстарын шашпай маңызды жобаларға негізделуге мүмкіндік берді.
Оның үстіне, оларда қажетті капитал бар, Елбасы шешімімен барлық көзделген мақсаттарды жүзеге асыру мақсатында жаңа холдингтің капиталына тұрақтандыру бағдарламасы аясында 5 млрд. АҚШ долларын ұлттық қордан 10 млрд. доллар көлемінде қаржы бөлінді.
Осыған байланысты, кезінде көпшілікке аса ұғынықты бола қоймаған стратегия қолда барды үнемді пайдалануы, мемлекетке қиын-қыстау кезеңде қажетті арнайы қорының болуы туралы мемлекет басшысының идеялары бүгінде түсінікті бола бастағандай.
Бүгінде мемлекет салмақты ресурстарды иемдене отырып, экономикалық салаларды аса бір машақатсыз қолдай алады, сондай-ақ, өзіне жүктелген әлеуметтік міндеттерді әрі қарай кең ауқымда жалғастыра алады. Қабылданатын үшжылдық бюджет барлық әлеуметтік саланың зейнетақының, жалақының және басқа да әлеуметтік салымдардың мейлінше ұлғаятынын көрсетіп отыр.
БІРЛІК ТҮБІ – БЕРЕКЕ
Әлемдік тарих үйретіп отырғандай, ел экономикасына қиын кезең түскенде мемлекет ролінің күшеюі ғана экономикалық және саяси дағдарыстан алып шығады. Осындай уақыттарда ұлттық экономикалардың тұрақтылығын шайқалту арқылы мемлекеттің егемендігіне қол сұғу болып жататыны жасырын емес. Қаржы нарығындағы күшті ойыншылар басты міндеттері ретінде өздері үшін апатты мейлінше азайтумен қатар бәсекелестері үшін оны барынша ұлғайту қажет деп санайтындығын ұмытпағанымыз жөн.
Дара-дара болып бөліну бізді әлсірететіні анық. Сол себептен, бәріміз бір мақсат – Елбасы белгіленген әлемдік дағдарыстан шығатын жалпы іс-қимылдар бағдарламасын жүзеге асыру үшін жұмыс жасайтын уақыт жетті. Ол үшін біз Президентіміз «Нұр Отан» Халықтық Демократиялық партиясының лидері Нұрсұлтан Әбішұлы Назарбаевтың айналасында бүкіл қазақстандық қоғам болып топтасуымыз қажет.
Алтауымыз ала болып аузымыздағыдан айырылып қалмайық.
Мұрат ӘБЕНОВ
«Сыр бойы» газеті, 19 қараша 2009 жыл
Кешегі басшысына қарсы шығып жатырған елдердің бүгінгі хәлін көгілдір экраннан көріп отырмыз ғой. Бетін әрмен қылсын.